Новореднчињата и децата се нашето највредно богатство за кое сите ние се грижиме и правиме Се во наша можност за да им обезбедиме нивно правилно развивање. Затоа кардиолошкиот педијатриски преглед претставува неинвазивна дијагностичка процедура, која опфаќа правење на ЕКГ, мерење на крвен притисок, анамнеза од детето или од родителот во врска со детето и најбитниот дел ехокардиографската проценка каде со најсовремен ехокардиографски апарат и специјална педијатриска сонда за новореднчиња и деца, се прави кардиоваскуларна проценка на истите. Со оваа процедура се визуелизираат срцевите шуплини дали истите се со нормални димензии или се проширени, се гледаат преградните ѕидови помеѓу коморите и предкоморите, кои може да бидат честа причина за шумови кај деца, проценка на валвулите на срцето, како и визуелизација на големите крвни садови кои излегуваат од срцето (белодробната артерија и аортата), кои може да бидат честа причина за помодрување на новороденчињата додека се хранат, плачат, додека спијат и при помал напор кој може да го изведуваат. Со овој педијатриски кардиоваскуларен преглед , со најсовремен ехокардиографски апарат, меѓутоа и со најискусен доктор кој има непроценливо искуство во дијагностика на вродени и стекнати срцеви маани кај новороденчиња и деца, се поставува прецизна дијагноза, со што се препишува соодветна терапија и на крај се даваат соодветни прецизни препораки за евентуален понатамошен третман кај овие пациенти. Децата се нашето најголемо богатство и затоа е од суштинско значење кој доктор и со какво кардиопедијатриско искуство ќе го прегледа вашето дете, со каква апаратура ќе се постави прецизна дијагноза или ќе исклучи било какво заболување кај детето, се со цел истото да може да има правилен раст и развој, без шетање по здравствени институции.